Bektenov Alakól jaǵalaýyn damytýdyń keshendi josparymen tanysty
ASTANA. KAZINFORM — Oljas Bektenov Abaı oblysynyń týrıstik áleýetin damytý jónindegi Prezıdent tapsyrmasynyń oryndalý barysymen tanysty. Bul týraly Úkimettiń baspasóz qyzmeti habarlady.
Premer-mınıstr Oljas Bektenov Abaı oblysyna jumys sapary aıasynda Semeı qalasy ákimshilik iskerlik ortalyǵyn damytý jobalarymen jáne Alakól jaǵalaýyn damytýdyń keshendi josparymen tanysty. Usynylǵan qujattar Memleket basshysy bastamasymen Abaı Qunanbaıulynyń 180 jyldyǵyna arnalǵan «Abaıǵa qurmet» respýblıkalyq aktsııasy aıasynda júzege asyrylyp jatyr.
Premer-mınıstrge zamanaýı týrıstik-rekreatsııalyq aımaq qalyptastyrýǵa baǵyttalǵan Alakól jaǵalaýyn damytýdyń keshendi jospary tanystyryldy.
Oblys ákimi Berik Ýálı óńirdiń týrızm salasyn damytý aıasynda 2029 jylǵa deıin 49 jobany júzege asyrý josparlanyp otyrǵanyn, 2025 jyly Alakól jaǵalaýynyń ınfraqurylymyn damytýǵa 1 mlrd teńge bólingenin, bul qarajat jaǵalaýdy nyǵaıtý jumystaryn júrgizýge, abattandyrý men kóshelerdi jóndeýge baǵyttalǵanyn aıtty. 2026 jyly bul maqsattarǵa 10 mlrd teńge bólingen. Bul qarajat ınjenerlik jáne kólik ınfraqurylymyn jańǵyrtýǵa, sondaı-aq tsıfrlyq sheshimderdi engizýge, onyń ishinde beınebaqylaý júıelerin jáne ornyqty mobıldi ınternet-qamtýdy engizýge baǵyttalady.
Týrıstik aımaqty odan ári damytý maqsatynda onyń aýmaǵyn 300-den 3 myń gektarǵa deıin ulǵaıtý jáne ótkizý qabiletin táýligine 75 myń týrıske deıin arttyrý kózdelgen keshendi jospardy túzetý jumystary júrgizilýde. Túzetýler bıylǵy qyrkúıek aıyna deıin aıaqtalady dep josparlanyp otyr. Sondaı-aq elektr jelilerin, sýmen jabdyqtaý jáne sý burý júıelerin, kólik jáne kommýnaldyq ınfraqurylym nysandaryn salý jobalary qamtylǵan.
2025 jyly oblysta týrızmdi damytý boıynsha jalpy somasy 8,9 mlrd teńge bolatyn 4 joba júzege asyryldy.
Premer-mınıstr áleýmettik ınfraqurylymdy jańǵyrtýdy, týrızmdi damytýdy jáne ınvestıtsııalyq tartymdylyqty arttyrýdy qosa alǵanda, oblysty keshendi damytýdyń mańyzdylyǵyn atap ótti.
Jalpy alǵanda, respýblıka boıynsha týrıstik ınfraqurylymdar, onyń ishinde kelýshilerdi ornalastyrý nysandaryn jańǵyrtý jáne kólikke qoljetimdilikti jaqsartý qarqyndy damyp keledi. Qabyldanyp jatqan sharalardyń arqasynda 2025 jyldyń qorytyndysy boıynsha sala ósim kórsetip otyr, máselen, ishki týrıster sany 9,1-den 10,1 mln-ǵa deıin, sheteldik týrıster sany 1,3-ten 1,4 mln-ǵa deıin ulǵaıdy. Kelýshilerdi ornalastyrý nysandarynyń kiristeri 350,6 mlrd teńgeni qurady, al ınvestıtsııalar kólemi 32,6%-ǵa ósip, 1,26 trln teńgege jetti.
Osy rette Semeı qalasynda Ákimshilik iskerlik ortalyǵy (ÁІO) jobasyn júzege asyrý kózdelgen. Aýmaqtyń jalpy aýdany 1 myń gektardan asady. Joba aıasynda áleýmettik jáne iskerlik ınfraqurylymy damyǵan jańa zamanaýı turǵyn úı aýdanyn qurý josparlanýda. 2026-2029 jyldar aralyǵynda jalpy aýdany 3 mln sharshy metrden asatyn 75 myń adamǵa arnalǵan turǵyn úı keshenderin, sondaı-aq 17 mektep pen balabaqshany qosa alǵanda, 40-tan astam áleýmettik, kommertsııalyq jáne ákimshilik maqsattaǵy nysandardy salý qarastyrylǵan.
Oljas Bektenov qala qurylysyna qatysty sheshimderdiń sapasyn qamtamasyz etý jáne oblys ákimdigi tarapynan keshendi jospardy júzege asyrýdy tıimdi úılestirý qajettigin atap ótti.
Aıta ketelik Bektenov Abaı oblysyndaǵy «Semeı ormany» rezervatynda órtke qarsy tsıfrlyq júıeni teksergen edi.
