Bektenov ákimderge avtomattandyrylǵan ólsheý stantsııalaryn ornatýdy jedeldetýdi tapsyrdy
ASTANA. KAZINFORM – Óńir ákimdikteri 2026 jylǵy 1 shildege deıin jergilikti joldardy tolyq pasporttaýdy aıaqtaýy tıis. Bul týraly Úkimet otyrysynda Premer-mınıstr Oljas Bektenov aıtty.
– Avtomobıl joldaryn normatıvtik jaǵdaıda kútip-ustaý úshin avtojol jobalaryn iske asyrýdyń tsıfrlyq monıtorıngin qamtamasyz etý kerek. Óńir ákimdikteri 2026 jylǵy 1 shildege deıin jergilikti joldardy tolyq pasporttaýdy aıaqtasyn. Sondaı-aq avtomattandyrylǵan ólsheý stantsııalaryn ornatýdy jedeldetsin. Іske qosylatyn «E joldar» júıesi joldardyń jaǵdaıyn esepke alý, aqaýlardy tirkeý jáne jumystardyń oryndalýyn onlaın-rejımde baqylaý quraly bolýǵa tıis, - dedi Úkimet basshysy.
Premer-mınıstr áýe joldary arqyly ótetin júk tasymaly salasynda halyqaralyq standarttarǵa sáıkes elektrondyq qujat aınalymyna kóshýdi jedeldetý qajettigine nazar aýdartty.
– Bul derekterdi óńdeý jyldamdyǵyn arttyryp, bıznes pen sheteldik seriktesterdiń tarapynan senim men ashyqtyq deńgeıin joǵarylatady. Kólik mınıstrligine Qarjy jáne Aýyl sharýashylyǵy mınıstrlikterimen birlesip, 2026 jyldyń 1 naýryzyna deıin «e-Freight» aqparattyq júıesimen keshendi ıntegratsııany aıaqtaýdy tapsyramyn. Atalǵan shara ımporttyq jáne eksporttyq deklaratsııalar, sondaı-aq veterınarııalyq jáne fıtosanıtarııalyq sertıfıkattar boıynsha derekterdiń avtomatty túrde berilýin qamtamasyz etedi, - dedi Oljas Bektenov.
Aıta keteıik, Úkimet otyrysynda elimizdiń kólik-tranzıt salasyn damytý men tsıfrlandyrý máselesi talqylandy.