Bektaý ata shatqalyndaǵy týrıster forýmyna qatysýshy komandalar 1 mln teńgeden aldy
QARAǴANDY. QazAqparat - Aqtoǵaı aýdanyndaǵy Bektaý ata shatqalynda ornalasqan «Fakel» saýyqtyrý lagerinde «Ashylýlar álemi. Jas týrıst. Jas izdeýshi» atty ekspedıtsııalyq jasaqtardyń týrıstik-ólketaný oblystyq forýmy ótti, dep habarlaıdy Qaraǵandy oblysy ákiminiń resmı saıty.
Úsh kúndik marafonda 20 komanda saıysty. Olardyń árqaısysy forýmnyń sońynda Intellektum zııatkerlik oıyndar kabınetin satyp alýǵa 1 mıllıon teńgege sertıfıkat aldy.
Ekspedıtsııalyq jasaqtardyń týrıstik-ólketaný oblystyq forýmy jyl saıyn Qaraǵandy oblysyndaǵy balalarǵa arnalǵan qala syrtyndaǵy lagerlerde uıymdastyrylady. Bıylǵy jyly sharany Qaraǵandy oblysynyń Bilim basqarmasy, «Nur Otan» partııasynyń oblystyq fılıaly, Qaraǵandy oblysynyń bilimdi damytý oqý-ádistemelik ortalyǵy, «Saryarqa daryny» AǴTO,
Qaraǵandy oblystyq týrıstik klýby uıymdastyrdy.
Forýmǵa oblystyń ár qalalary men aýdandarynan 300 bala keldi. Qatysýshylar ǵylymı-zertteý jobalaryn qorǵady. Komandalar týrıstik salada ózara saıysty.
Syılyqsyz eshkim qalmady. Jeńimpazdardy І, ІІ, ІІІ dárejeli dıplomdarmen, sondaı-aq baǵaly syılyqtar jáne kýboktarmen marapattady. «Ólketaný» jáne «Týrızm» nomınatsııalarynyń ıegerleri tańdaldy.
Forým «Rýhanı jańǵyrý» baǵdarlamasynyń «Tárıbe jáne bilim» qosymsha baǵdarlamasynyń «Ólketaný» negizgi baǵyty boıynsha oblystyq jobalar reestrine engizildi.
