Bektas Muhamedjanov QR Qorshaǵan ortany qorǵaý vıtse-mınıstri bolyp taǵaıyndaldy

ASTANA. 6 naýryz. QazAqparat - 6 naýryzda QR Qorshaǵan ortany qorǵaý mınıstri Nurlan Qapparov mekeme ujymyna jańadan taǵaıyndalǵan vıtse-mınıstr Bektas Muhamedjanovty tanystyrdy.

Bul týraly QR Qorshaǵan ortany qorǵaý mınıstrliginiń baspasóz qyzmetinen habarlandy.

Bektas Muhamedjanov 1957 jyldyń 7 qarashasynda Qyzylorda oblysynda dúnıege keldi.

1979 jyly Qazaq Memlekettik Ýnıversıtetin támamdady. Bıolog, bıologııa ǵylymdarynyń kandıdaty.

Ýnıversıtetti bitirgennen keıin Qazaq KSR Ǵylym Akademııasy júıesinde atqarǵan eńbegi nátıjesinde qatardaǵy laboranttan aǵa ǵylymı qyzmetkerlikke deıin jetti. Osy qyzmeti barysynda 20-dan astam ǵylymı eńbegin jarııalap, 5 avtorlyq ónertabys jónindegi kýálik pen 1 ǵylymı jańalyq ashý týraly kýálik aldy.

1997 jyldan memlekettik qyzmette. Ár jyldary QR Premer-Mınıstriniń keńesshisi, QR memlekettik satyp alý jónindegi Agenttik Tóraǵasy, QR Prezıdenti Ákimshiliginiń uıymdastyrý-baqylaý bóliminiń Memlekettik ınspektory qyzmetterin atqardy.

2005 jyldan búgingi kúnge deıin Halyqaralyq qazirgi saıasat ınstıtýtynyń bas dırektory, QR Tuńǵysh Prezıdenti Qorynyń atqarýshy dırektory, QR Tuńǵysh Prezıdenti Qory janyndaǵy Álemdik ekonomıka jáne saıasat ınstıtýtynyń dırektory laýazymdaryn atqardy.

QR Úkimetiniń 2013 jylǵy 6 naýryz kúngi № 219 qaýlysyna sáıkes, Qazaqstan Respýblıkasynyń Qorshaǵan ortany qorǵaý vıtse-mınıstri bolyp taǵaıyndaldy.