Bekshın:Jappaı vaktsınalaý vırýs juqtyrýdy tómendetti
ALMATY. QazAqparat - Koronavırýs indetin vaktsına alý arqyly toqtatýǵa bolady. Bul týraly onlaın brıfıng kezinde Almaty qalasy sanıtarlyq-epıdemıologııalyq baqylaý departamentiniń basshysy Jandarbek Bekshın aıtty, dep habarlaıdy QazAqparat tilshisi.
Jandarbek Bekshın Almaty «sary» aımaqta bolǵanymen epıdemıologııalyq ahýal áli de kúrdeli ekenin jetkizdi. Dese de, vırýs juqtyrý tómendedi.
«Qalada vırýs juqtyrýdyń tómendeý sebebi jappaı vaktsına saldyrý boldy. Qalada qazir 316 myńnan astam adam koronavırýske qarsy ekpe aldy. Bul qala turǵyndarynyń 16%-y, qalǵan 5 paıyzy aýyryp shyqqandar. Jalpy qoǵamdyq ımmýnıtettiń qalyptasýy 21%-dan asty. Osynyń áserinen qalada vıýrstyń taralýy tómendedi. Ekinshiden, jiti júrgizilgen shekteý sharalarynyń paıdasy tıdi. Sondaı-aq qala ishindegi qaýipti oshaqtardyń barlyǵyn zalasyzdandyryp otyrdyq»,- dedi ol.
Sonymen qatar, Bekshın qala turǵyndaryn vaktsına alýǵa shaqyrdy, óıtkeni bul protsess ujymdyq ımmýnıtetti qalyptastyrý úshin mańyzdy.
«Bul ózińe, jaqyndaryńa degen jaýapkershilik. Árkimniń ekpe alýy mańyzdy. Birqatar adamdar aýrýǵa tózbeıdi, olardyń densaýlyǵy. saqtaý bizge baılanysty», - dedi ol.
Eske salaıyq, Almatyda medıtsınalyq uıymdarda, mektepterde, mádenıet, sport obektilerinde, bazarlar men qalanyń SOSO-da 211 vaktsına pýnkti jumys isteıdi (250-ge deıin ulǵaıtý múmkindigimen). 1 257 adamnan turatyn 304 egý brıgadasy bar.
