Bekshın jańa qaýly talaptaryn túsindirdi

ALMATY. QazAqparat - Almaty qalasynyń bas sanıtar dárigeri Jandarbek Bekshın COVID-19 taralýynyń aldyn alý sharalary týraly jańa qaýlysynyń talaptaryn túsindirdi, dep habarlaıdy QazAqparat tilshisi.

Onyń aıtýynsha, epıdemıologııalyq jaǵdaıdyń kúrdelenýine, halyq arasynda «delta» shtamynyń qarqyndy taralýyna baılanysty jáne epıdemıologııalyq jaǵdaıdy turaqtandyrý, bilim berý mekemelerinde jańa oqý jylyn shtattyq rejımde uıymdastyrý maqsatynda jańa qaýly qabyldandy.

«Ashyq» jobasyna qatysýyna qaramastan barlyq mekemeler 17-31 tamyz aralyǵynda demalys jáne mereke kúnderi jumys istemeıdi. Demalys jáne mereke kúnderi oıyn-saýyq saıabaqtary, attraktsıondar, bólshek saýda jáne qaladaǵy saıabaqtardyń aýmaǵyndaǵy qoǵamdyq tamaqtaný oryndarynyń qyzmetine tyıym salynady»,- dedi Jandarbek Bekshın.

Jańa qaýlyǵa sáıkes, medıtsınalyq qarsy kórsetilimderi bar jáne sońǵy úsh aıda koronavırýspen aýyryp shyqqan adamdardy qospaǵanda, pedagogter men tehnıkalyq personal, jataqhana men ashana qyzmetkerleri 100% vaktsına saldyrýy qajet.

Sondaı-aq qaladaǵy barlyq bilim berý jáne tárbıe berý mekemelerine «Ashyq» jobasy engiziledi. Mektepterde dene shynyqtyrý sabaqtary dalada ótkiziledi.

Medıtsınalyq qarsy kórsetilimi bar jáne sońǵy úsh aıda syrqattanǵan adamdardy qospaǵanda, 18 jasqa tolǵan barlyq stýdentter vaktsına saldyrýy qajet.

Qaýly 17 tamyzdan bastap kúshine enedi.

Qaýlynyń tolyq mátinin myna jerden oqýǵa bolady.