Bekshın: Koronavırýstyń jańa qaýipti shtamy Almatyda tirkelgen joq
ALMATY. QazAqparat – Almatyda asa qaýipti Brıtan, Ońtústik Afrıka shtamdary tirkelgen joq. Bul týraly Almaty sanıtarııalyq-epıdemıologııalyq baqylaý departamentiniń basshysy, qalanyń bas memlekettik sanıtar dárigeri Jandarbek Bekshın onlaın brıfıng barysynda málimdedi, dep habarlaıdy QazAqparat tilshisi.
«Qazir koronavırýstyń qurylymynda ózgerister bolyp jatyr. Álemde onyń mýtatsııalanǵan 1400 shtamy anyqtaldy. Biraq olardyń qaýpi óte az. Al Brıtanııa jáne Ońtústik Afrıka respýblıkasynda anyqtalǵan shtamm óte qaýipti. Bizde Qazaqstanda bul shtamm tirkelgen joq. Bul shtamm burynǵy taralyp jatqan shtamnan 70 paıyzǵa qaýipti. Elimizde arnaıy ǵylymı ortalyǵymyz bar. Osy jerde tirkelip jatqan vırýstar zertteledi. Bul eki vırýs áli tabylǵan joq. Áýejaıda da kúndelikti jumys istep jatyrmyz. Osy ýaqytqa deıin 74 jolaýshydan vırýs anyqtaldy. Onyń barlyǵy oqshaýlandy», - dedi Bekshın.
Buǵan deıin bas sanıtar dáriger qańtardaǵy ahýal jaıly baıandaǵan bolatyn.
