Bekshın: Ekpeden soń koronavırýsqa qarsy ımmýnıtet tómendeıdi, sondyqtan revaktsınatsııa qajet
Spıkerdiń sózinshe, Almatyda ázirge koronavırýsqa qarsy jetkilikti ujymdyq ımmýnıtet qalyptasqan joq.
«Eske salsaq, ujymdyq ımmýnıtet – ınfektsııany toqtatýdyń jáne halyqtyń boıynda dertke qarsy qabiletti qalyptastyrýdyń birden bir joly. Vaktsınatsııa jáne revaktsınatsııa ınfektsııanyń aldyn alady. Ázirge biz ımmýndyq qabattyń 56%-na jettik. Bul rette táýlik saıyn halyqtyń 0,1%-y ǵana vaktsınatsııalanady. Ujymdyq ımmýnıtettiń osyndaı qarqynymen kem degende 75%-ǵa biz kelesi jyldyń mamyr aıynda ǵana qol jetkizemiz»,- deıdi Jandarbek Bekshın.
Onyń aıtýynsha, qalada koronavırýstyń taralýy jalǵasýda, bul vaktsınalanbaǵan azamattar úshin erekshe qaýipti. Ol eresekterdi odan ári vaktsınalaý jáne 12 jastan asqan jasóspirimderge, júkti jáne bala emizetin áıelderge ekpe salý arqyly ujymdyq ımmýnıtetti 80%-ǵa deıin jetkizý qajettigin atap ótti.
Almatynyń bas sanıtarlyq dárigeri vaktsınatsııa qarqynyn arttyrýmen qatar, qala turǵyndary revaktsınatsııaǵa kelýget shaqyrdy.
«Bul medıtsınada múldem qalypty qubylys, óıtkeni barlyq ınfektsııa bir ret aýyrǵannan keıin turaqsyz ımmýnıtet beredi. Kóptegen vaktsınany salǵan soń belgili bir ýaqyttan keıin qaıta egý qajet», - dedi ol.
Qalada koronavırýsqa qarsy revaktsınatsııa 22 qarashadan bastalady. «Revaktsınatsııa óte qajet. Bul ujymdyq ımmýnıtetti qalyptastyrýǵa kómektesedi jáne vırýstyń odan ári mýtatsııalanýyna jol bermeıdi. Bizdiń baqylaýymyz boıynsha, vaktsınatsııalanǵan antıdenelerdiń deńgeıi ýaqyt óte kele, 6 aıdan 9 aıǵa deıin tómendeıdi, ıaǵnı aýrýdyń yqtımaldyǵy artady. Kóptegen elder qazirdiń ózinde revaktsınatsııa naýqandaryn belsendi júrgizýde. Aralyq vaktsınany qart adamdarǵa qoldaný óte mańyzdy, óıtkeni Almatyda 60 jastan asqan adamdar arasynda vırýs juqtyrý 5 paıyzǵa óskeni baıqalady. Bul rette, mektep oqýshylaryn vaktsınatsııalaý da óte mańyzdy», - deıdi Jandarbek Bekshın.
Almatylyq epıdemıologtardyń málimetinshe, bıyl qalada vaktsınanyń eki komponentimen egilgennen keıin 2 680 naýqas tirkelgen, onyń ishinde 360 adam qaıta aýyrǵan.
