Bekshın almatylyqtardy toı jasamaýǵa shaqyrdy
ALMATY. QazAqparat – Almaty qalasynyń bas sanıtarlyq dárigeri Jandarbek Bekshın turǵyndardy toı-tomalaqtan bas tartýǵa shaqyrdy, dep habarlaıdy QazAqparat tilshisi.
Jandarbek Bekshın atap ótkendeı, qalada syrqattanýshylyqtyń ósý sebebi – jappaı kópshilik sharalardy uıymdastyrýda. Birinshi kezekte úılený jáne eske alý sharalary asa qaýipti, óıtkeni ondaı jıyndar jeldetilýi nashar jabyq úı-jaılarda ótkiziledi. Mundaı is-sharalarda qonaqtardyń uzaq ýaqyt otyratyny jáne keńinen baılanys jasaıtyny belgili.
«Meniń toı uıymdastyrýshylaryna aıtarym, Siz ózińizge ǵana emes, barlyq qonaqtarǵa, ınfektsııany ózine juqtyrý arqyly otbasylaryna da qaýip tóndiresiz. Sondaı - aq, toı nemese eske alý keshi tekserýshi toptyń talaby boıynsha toqtatylady. Sóıtip, toı ıelerin qonaqtardyń aldynda yńǵaısyz jaǵdaıda qaldyrasyzdar», - dedi J.Bekshın.
Sonymen qatar, ol epıdemııa nemese onyń qaýpi jaǵdaıynda bir otbasy múshelerin qospaǵanda, 10-nan astam adamnyń jınalýy jappaı shara bolyp sanalatynyn atap ótti.
