Bekshın almatylyqtar jıi vırýs juqtyratyn oryndardy atady

ALMATY. QazAqparat – Almaty qalasy sanıtarlyq-epıdemıologııalyq baqylaý departamentiniń bastyǵy, qalanyń bas memlekettik sanıtar dárigeri Jandarbek Bekshın almatylyqtardyń koronavırýsty qaı jerde jıi juqtyratynyn aıtty, dep habarlaıdy QazAqparat tilshisi.

Jandarbek Bekshın qalada ınfektsııa juqtyrý qaýpi bar negizgi bes oryndy atady.

«Búgingi tańda juqtyrýdyń negizgi bes ornyna kiretinder: saýda obektileri – 32 % (3% – ǵa tómendeý), otbasylardaǵy baılanystar – 16% (2% – ǵa tómendeý), qoǵamdyq kólik - 17,1% (0,5% - ǵa tómendeý), bazarlar-13% kiredi, munda negizginde 9% azyq-túlik naryqtarynda juqtyrylady. Kórsetilgen 2-3% – ǵa tómendeý qoldanystaǵy 2 aptadan shekteý sharalarynyń nátıjesi jáne vaktsınatsııadan keıin ujymdyq ımmýnıtettiń ósýi retinde boldy»,-deıdi ol.

Halyq arasynda ınfektsııanyń ósý sebepteri:

-Kórinbeıtin bıologııalyq qaýipke halyqtyń nemquraıly qaraýyna baılanysty, COVID-19 vırýsynyń delta nusqasynyń óte joǵary juqpaly bolýy;

- qoǵamdyq tamaqtandyrý kásiporyndarynda (qala mańy aımaǵynda jáne jalǵa alynǵan jer úılerde) jappaı otbasylyq is-sharalardy (toı, mereıtoı jáne t. b.) ótkizý.

- Keıbir azamattar arasynda vaktsınatsııalaýdyń paıdasy týraly kúmániniń jalǵasýy, qoǵamdyq oryndarda jáne qoǵamdyq kólikterde betperde rejımin saqtamaýy.

- 20-39 jas aralyǵyndaǵy jastar arasynda jalǵasyp kele jatqan juqpalardyń 34% -y olardyń joǵarǵy belsendiligi aıasynda, keıinnen otbasy múshelerine juqtyrý, olar ınfektsııanyń gıper-taratýshylary.

«Halyq arasynda delta (Úndi shtammy) nusqasynyń qarqyndy taralýyna jáne klınıkalyq sımptomdary bar naýqastardyń 94,5% - ǵa deıin ulǵaıýyna baılanysty Almaty qalasynda shekteý sharalary 4 qyrkúıek demalys kúnderi jáne 6-shi qyrkúıekke deıin uzartyldy»,- dedi Jandarbek Bekshın.