Bekshın 150 adamdyq «banketke» nege ruqsat bergenin túsindirdi
ALMATY. QazAqparat – Almatynyń bas sanıtarlyq dárigeri Jandarbek Bekshın «Ritz Carlton» qonaqúıinde 150 adamǵa arnalǵan is-sharaǵa ne úshin ruqsat bergenin túsindirdi, dep habarlaıdy QazAqparat tilshisi.
Onyń aıtýynsha, ruqsat banketke emes, personaldy oqytýǵa berilgen.
«Olar qazir uzaq ýaqyt úzilisten soń qyzmetkerlerdi qaıtadan jınap jatyr. Sportshylarǵa qurmet kórsetý sharasy birinshi qabatta 1 ret qana ótýi tıis bolatyn. Alaıda, bólim basshysynyń kórsetken aqparatynda birrettik shara ekendigi kórsetilmegen», - dedi Bekshın.
Bas sanıtarlyq dárigerdiń sózinshe, monıtorıngilik toptar quqyqbuzýshylyq týraly habarlamaǵan.
«Ol jerde qansha adam bolǵany da belgisiz. Bireýler 40 adam dese, bireýler 60 adam deıdi. Bul qonaqúıde joǵarǵy qabatta keń kólemde banket ótkizetin bólmeler joq. Qonaqúı basshylyǵy óte aýqymdy zararsyzdandyrý sharalaryn júrgizdi. Aýany retsırkkýlıatorly tazartý júıesin ornatyp, aýa almasý júıesin jaqsartty. Bakterıtsıdti lampalar qoıyldy. Osy qaýipsizdik sharalaryna 1 mln dollarǵa jýyq qarajat ketken. Sol úshin biz bul sharaǵa ruqsat berdik. 900 oryndyq zalǵa tek 150 adamǵa ruqsat ettik»,- dedi Bekshın.
