«Bekire – 2025»: Atyraýda aktsııa bastalǵaly brakonerlerge 5,6 mln aıyppul salyndy
ATYRAÝ. KAZINFORM – Atyraý, Mańǵystaý jáne Batys Qazaqstan oblystaryndaǵy sý aıdyndarynda «Bekire – 2025» keńaýqymdy balyq qorǵaý aktsııasy ótip jatyr.
Jaıyq-Kaspıı oblysaralyq basseındik balyq sharýashylyǵy ınspektsııasy baspasóz qyzmetiniń málimetinshe, atalǵan aktsııa 31 mamyrǵa deıin jalǵasady.
— Inspektsııa ınspektorlary Jaıy-Kaspıı sý aıdyny basseınindegi «Bekire — 2025» keńaýqymdy aktsııa bastalǵaly beri quqyq jáne tabıǵat qorǵaý organdarynyń qyzmetkerlerimen birge zańdylyqty buzýmen baılanysty 329 derekti anyqtady. Quqyq buzǵan 237 adam ákimshilik jaýapqa tartyldy. Brakonerlikke, joıylyp ketý qaýpi tóngen balyq túrlerin aýlaýǵa qatysty 8 qylmystyq is qozǵaldy. Zań buzýshylarǵa 5,6 mln teńge aıyppul salyndy, -dep habarlady ınspektsııanyń baspasóz qyzmeti.
Inspektorlar zańsyz aınalys aınalymnan 1 tonna 556,4 keli balyq tárkilegen. Onyń ishinde baǵaly bekire tuqymdas 362,9 keli balyq bar. Sondaı-aq 76 abalyq aýlaý quraly men 17 sýda júzetin kólik alynǵan.
— Kún saıyn Kaspıı teńiziniń akvatorııasy men ózen saǵalarynda tekserý júrgizý qolǵa alyndy. Tekserýdiń nátıjesimen sý aıdyndarynan balyq aýlaý úshin qurylǵan 186 zańsyz qural tabyldy, — dep málim etti ınspektsııanyń baspasóz qyzmetinen.
Eske sala ketelik, budan buryn elimizdiń batysynda «Bekire — 2025» keńaýqymdy balyq qorǵaý aktsııasy bastalǵanyn jazǵan bolatynbyz.
Keıin Atyraý turǵynynyń kóliginen 1,5 keli bekire ýyldyryǵy tárkilendi.
Sondaı-aq 90 kelige jýyq bekireni úıinde zańsyz saqtaǵan atyraýlyq 3 jylǵa sottaldy.