«Bekire – 2024»: Atyraýda ustalǵan júrgizýshiniń kóliginen 70 keli bekire tárkilendi
ATYRAÝ. KAZINFORM – Atyraýda «Bekire – 2024» is-sharasy kezinde kólik júrgizýshisi ustaldy. Onyń kóliginen 70 keli bekire tárkilendi.
Atyraý oblystyq polıtsııa departamentiniń baspasóz qyzmetinen málim etkendeı, 10 qyrkúıekten beri «Bekire – 2024» aktsııasy ótip jatyr.
«Uıymdasqan qylmysqa qarsy kúres basqarmasy men patrýldik polıtsııa batalonynyń qyzmetkerleri «Bekire – 2024» jedel profılaktıkalyq is-sharasy kezinde Atyraý qalaynyń aýmaǵynda kúdik týdyrǵan Toyota Camry markaly avtokólikti toqtatty. Tekserý barysynda avtokólik salonynan salmaǵy 70 keli tartatyn bekire tuqymdas 23 balyqty tárkilendi. Zańsyz aýlanǵan bekire balyǵy 5 polıetılen paketke salynǵan», - dep habarlady departamenttiń baspasóz qyzmeti.
Bekire tuqymdas balyqty zańsyz tasymaldaǵan kúdiktige qatysty kúzetpen ustaý túrindegi bultartpaý sharasy qoldanyldy. Qazir sotqa deıingi tergep-tekserý amalyn júrgizý bastaldy. Ózge aqparat tergeý múddesine sáıkes jarııalaýǵa jatpaıdy.
«Atyraý oblysynyń aýmaǵyndaǵy sý aıdyndarynda «Bekire – 2024» is-sharasynyń kúzgi kezeńi 31 qazanǵa deıin jalǵacady. Bul aktsııa bastalǵan 10 qyrkúıekten beri 900 kelige jýyq zańsyz aýlanǵan balyq ónimderi tárkilendi», - dep málim etti departamenttiń baspasóz qyzmetinen.
Eske sala ketelik, budan buryn Atyraý oblysynda «Bekire – 2024» aktsııasy kezinde brakonerlerden 270 keli bekire tárkilengenin habarlaǵan bolatynbyz.
