«Bekire – 2024»: Atyraýda brakonerlerden 270 keli bekire tárkilendi
ATYRAÝ. KAZINFORM – Atyraý oblysynda zańsyz balyq aýlaǵan brakonerlerden 356 balyq tárkilendi. Onyń ishinde 270 keli bekire tuqymdas balyq bar.
Atyraý oblystyq polıtsııa departamentiniń baspasóz qyzmetinen málim etkendeı, 10 qyrkúıekten beri «Bekire — 2024» aktsııasy ótip jatyr. Bul aktsııa 31 qazanǵa deıin jalǵacady.
«Jedel-profılaktıkalyq is-sharasy kezinde balyqtyń zańsyz aınalymymen baılanysty 59 quqyq buzýshylyq anyqtaldy. Quqyq buzýshylarǵa qatysty 3 qylmysqa qatysty sotqa deıingi tergep-tekserý amaldary júrgizilip jatyr. Anyqtalǵan quqyq buzýshylyq boıynsha aıǵaq zat retinde 2 avtokólik alynyp, balyq aýlaýǵa arnalǵan 21 qural alyndy. Zańsyz aýlanǵan 356 keli, onyń ishinde 270 keli bekire balyǵy tárkilendi», — dep habarlady departamenttiń baspasóz qyzmeti.
Tárkilengen balyq «Jaıyq-Bekire ósirý zaýytyna» tapsyrylǵan.
Eske sala ketelik, budan buryn Atyraý oblysynyń turǵyny 27 keli bekiremen ustalǵanyn
habarlaǵan edik.
