Bekman Soılybaevtyń kelesi aıqasynyń datasy ataldy

NUR-SULTAN. QazAqparat – Ekinshi jartylaı jeńil salmaqtaǵy qazaqstandyq boksshy Bekman Soılybaevtyń (12-1, 4 KO) kelesi jekpe-jegi qashan ótetini belgili boldy, dep habarlaıdy QazAqparat Sports.kz saıtyna silteme jasap.

BoxRec.com saıtynyń málimetinshe, Soılybaevtyń kelesi jekpe-jegi 15 qańtar kúni Aqtaý qalasynda Adal Promotions jergilikti promoýterlik kompanııanyń boks keshi aıasynda ótedi. Qarsylastyń esimi ázirge belgisiz.

Eske sala keteıik, qazaqstandyq boksshy sońǵy aıqasyn osy jyldyń tamyzynda Dýbaıda (BAÁ) ótkizdi. Onda tóreshilerdiń basym bóliginiń sheshimimen meksıkalyq Ramıro Seseneden (14-0-1, 11 KO) jeńilip qaldy. Bekman úshin bul tórt jylǵy úzilisten keıingi birinshi aıqas boldy. Buǵan deıin ol 2017 jyldyń 19 qazanynda óner kórsetken.