Bekman Soılybaevtyń qarsylasy belgili boldy
ASTANA. QazAqparat - Qazaq kásipqoı boksshysy Bekman Soılybaevtyń qarsylasy belgili boldy, dep habarlaıdy QazAqparat tilshisi.
Otandasymyz kelesi jekpe-jegin venesýelalyq Samýel Gonsaleske qarsy ótkizetin boldy. Bul týraly "Diamondring" kásipqoı sporttyq uıymynyń resmı saıty habarlady.
Samýel Gonsales kásipqoı boksta 17 jekpe-jek ótkizip, sonyń 13-inde jeńiske jetken. Toǵyzyn nokaýtpen aıaqtaǵan. Sońǵy aıqasyn ótken jyldyń jeltoqsanynda jeńilistiń kermek dámin tatyp kórmegen meksıkalyq Hýlıo Barrazaǵa qarsy ótkizip, segizinshi raýndta aıqyn basymdyqpen utqan. Al, WBC EPBC jáne WBA NABA chempıondyq belbeýleriniń ıegeri Bekman Soılybaev kásipqoı boksta 10 jekpe-jek ótkizip, barlyǵynda jeńiske jetken.
Esterińizge sala keteıik, osyǵan deıin Bekman Soılybaev aıqasyn 29 sáýir kúni Meksıkanyń Rosarıto qalasynda Ramon Alvares pen Omar Chaves arasyndaǵy jekpe-jektiń anderkartynda ótkizetini týraly habarlaǵan bolatynbyz .
