Bekman Soılybaev WBC International belbeýin qorǵaýǵa daıyndalýda
ASTANA. QazAqparat - Álemdik kásipqoı boks juldyzy Bekman Soılybaev ekinshi jartylaı jeńil salmaqtaǵy WBC International chempıondyq belbeýin qorǵaýǵa daıyndyqty bastady jáne keshe Astanada birinshi sparrıng-kezdesý ótkizdi, dep habarlaıdy «Qazaqstannyń kásipqoı boksy» Feısbýkte.
Bekman "Ali Gym club" zalynda Mirjan Rahymjanovpen birge sparrıng ótkizip, óziniń arsenalyndaǵy keıbir elementterdi jasady.
Eske salaıyq, Bekman Soılybaev - jartylaı jeńil salmaqtaǵy WBC International chempıondyq belbeýiniń ıegeri, WBC jelisi boıynsha osy salmaqtaǵy TOP-25 boksshylar tizimine kiredi. Jazdyń sońynda ol osy belbeýdi qorǵaý úshin argentınalyq Oratsıo Kabralmen (19-0-1, 8KO) aıqasady.
