Bekman Soılybaev Las-Vegasta chempıondyq ataǵyn qorǵaıdy
ASTANA. QazAqparat - Erteń, Las-Vegasta Bekman Soılybaev Golden Boy Promotion uıymdastyratyn jekpe-jek keshinde ekinshi jartylaı jeńil salmaq dárejesindegi WBC chempıondyq belbeýin qorǵaıdy, dep habarlaıdy QazAqparat tilshisi.
Otandasymyzdyń qarsylasy - meksıkalyq Fernando Vargas. Ol osyǵan deıin 47 jekpe-jek ótkizip, 32-sinde jeńiske jetken. 21-inde aıqasyn merziminen buryn aıaqtasa, 12-sinde jeńilip, 3 aıqasyn teń aıaqtaǵan. Bıyl Bekmanǵa deıin úsh ret jekpe-jek ótkizip, ekeýinde jeńiske jetse, mamyrda ótken sońǵy aıqasynda óziniń otandasy Orasıo Garsııadan jeńilip qalǵan.
Al bul aıqas otandasymyz Bekman Soılybaev úshin kásipqoı bokstaǵy 12-jekpe-jek bolmaq. Ol barlyq jekpe-jekterin tek jeńispen aıaqtap keledi. Onyń tórteýinde qarsylasyn nokaýtqa túsirgen.
Qos boksshy arasyndaǵy jekpe-jekti ESPN telearnasy arqyly álemniń 200 eli tamashalaıdy. Al otandastarymyz aıqasty «Habar» telearnasynan tikeleı efır arqyly 20 qazan kúni tańǵy saǵat 7:00-de tamashalaı alady.
