Bekman Soılybaev ekinshi chempıondyq belbeýin taǵyndy
ASTANA. QazAqparat - Keshe Astana qalasyndaǵy «Kórme» oıyn-saýyq ortalyǵynda ótken kásipqoı boks keshinde qazaqstandyq bylǵary qolǵap sheberi Bekman Soılybaev ekinshi chempıondyq belbeýin jeńip aldy. Keshtiń basty jekpe-jeginde otandasymyz grýzın Nıkolaz Kokashvılıdi utty, dep jazady massaget.kz.
Birinshi jeńil salmaqta judyryqtasqan qazaqstandyq boksshy qarsylasyn ekinshi raýndta nokaýtpen jeńdi. Nátıjesinde «EPBC WBC» chempıondyq belbeýin jeńip aldy. Osyǵan deıin onyń enshisinde ekinshi jeńil salmaqta WBA NABA chempıondyq belbeýi bar bolatyn.
Bekman Soılybaev sporttyq mansabyndaǵy 9 jeńisine qol jetkizip otyr. Onyń tórteýin mezgilinen buryn aıaqtaǵan.
Astanada ótken boks keshinde qazaqstandyq boksshylar namysty qoldan bergen joq. Berikbaı Nurymbetovtiń qarsylasy ǵana alty raýndqa shydas bergenmen, qazaqstandyq boksshy tóreshiler sheshiminiń qorytyndysy boıynsha aıqyn jeńiske jetti. Al ózge qazaqstandyq boksshylar qarsylastaryn ýaqytynan buryn jeńip shyqty.
Boks keshiniń qorytyndysy:
Aıdar "Alban" Sháribaev - Rýben Movsesıan. 3-shi raýnd TKO.
Rýslan Myrsataev - Farrýh Madamınov. 1-shi raýnd TKO.
Berikbaı Nurymbetov - Artýr Zemlıanoı. Tóreshiler sheshimimen.
Alı Ahmedov - Sergeıa Krapshılo. 1-shi raýnd TKO.
Aıdos Erbosynuly - Lasha Gýrgýlıanı. 5-shi raýnd TKO.
Eldos Sarqulov - Sherzodbek Mamadjonov. 5-shi raýnd TKO.
Aıdyn Eljanov - Hvıch Gıgolashvılı. 5-shi raýnd TKO.
«WBC EPBC» chempıondyq jekpe-jegi. Bekman Soılybaev - Nıkolos Kokashvılı. 2-shi raýnd KO.
