Bekman Soılybaev Boxrec reıtınginde joǵarylady
ASTANA. QazAqparat - 19 qazan kúni chempıondyq tıtýlyn qorǵap qalǵan WBC nusqasy boıynsha kontınentaralyq chempıon Bekman Soılybaev (12-0, 4 KO) Boxrec kásipqoı boksshylar reıtınginiń onlaın-bazasynda joǵarylady, dep habarlaıdy diamondring.kz.
Qazaqstandyq bylǵary qolǵap sheberi kásipqoı rıngte 12 ret qatarynan jeńiske jetkennen keıin tanymal boxrec.com veb-saıtynda 58,967 kelige deıingi (nemese 130 fýnt) ekinshi jartylaı orta salmaqta TOP-50 qataryna kirdi.
Aıta keteıik, qazir Soılybaevtyń qorjynynda 58 upaı bar, buǵan deıin jerlesimizdiń enshisinde 41 upaı bolǵan edi.
Eske salyp óteıik, eki kún buryn Bekman Soılybaev Las-Vegastaǵy ataqty Monte Carlo Resort and Casino kazıno-otelinde meksıkalyq Fernando Vargasty (32-12-3, 21KO) tóreshilerdiń sheshimimen tize búktirgen bolatyn.
