Bekman Soılybaev BoxRec reıtınginde birden 33 orynǵa kóterildi
ASTANA. QazAqparat - 20 qazan kúni Las-Vegasta sporttyq mansabyndaǵy kezekti 12-inshi aıqasyn ótkizgen qazaqstandyq Bekman Soılybaev meksıkalyq Fernando Vargasty tóreshilerdiń biraýyzdy sheshimimen jeńgen bolatyn. Osylaısha, WBC chempıondyq belbeýin qorǵap qaldy, dep habarlaıdy QazAqparat.
Bul jeńis Soılybaevtyń BoxRec.com bedeldi saıtynyń reıtıngisindegi jaǵdaıyn jaqsartty. Ol ekinshi jartylaı jeńil salmaqta 33 orynǵa kóterilip, 50-inshi orynǵa turaqtady.
Aıta keteıik, Bekman Soılybaev rıngte ótkizgen barlyq 12 jekpe-jegin jeńispen aıaqtap keledi. Onyń tórteýinde qarsylasyn nokaýtqa jibergen.
