Bekman Soılybaev Astanada ashyq jattyǵý ótkizedi
ASTANA. QazAqparat - 8 tamyz kúni Astanada WBC International chempıondyq belbeýiniń ıegeri Bekman Soılybaev jankúıerler aldyndaǵy ashyq jattyǵýyn ótkizedi.
Boksshy kópshilikke óziniń tehnıkalyq jáne fýnktsıonaldyq daıyndyǵyn kórsetip, óziniń osy jylǵa arnalǵan barlyq josparlarymen bólisýdi josparlaýda. Sondaı-aq, Soılybaevtyń komandasy boksshynyń aldaǵy jekpe-jekte sharshy alańǵa kıip shyǵatyn formasyn tanystyrmaq. Osy kúni sportshy chempıondyq tórt belbeýge ıe.
Bekman Soılybaev óz mansabynda barlyǵy 11 aıqas ótkizdi. Onyń barlyǵynda jeńiske jetti, tórteýinde qarsylastaryn nokaýtqa jiberdi. Ol sońǵy aıqasyn 30 sáýir kúni Meksıkanyń Chıýaýa qalasynda ótkizip, ekinshi jeńil salmaq dárejesindegi WBC International chempıondyq belbeýin jeńip alǵan edi. Endi WBC erejesi boıynsha Soılybaev óziniń belbeýin qorǵaýy tıis. Onyń kelesi jekpe-jegi 13 qazanda Los-Andjeleste ótedi dep kútilýde.
Qazaqstandyq kásipqoı boksshynyń ashyq jattyǵýy «Máskeý» bıznes-ortalyǵyndaǵy «Bronx» boks zalynda ótedi.
