Bekman Soılybaev 4 jyldan keıin rıngke oralady

⠀NUR-SULTAN. QazAqparat – Ekinshi jartylaı orta salmaqtaǵy WBC International-dyń burynǵy chempıony, qazaqstandyq boksshy Bekman Soılybaev (12-0, 4KO) rıngke qashan oralatyny belgili boldy, dep habarlaıdy QazAqparat.

Boxrec.com málimetinshe, Soılybaev uzaq úzilisten keıingi jekpe-jegin 10 shilde kúni Dýbaıdaǵa (BAÁ) boks keshinde ótkizedi. Aıqas 8 raýndqa eseptelgen. Opponenty ázirge belgisiz.

Aıta keteıik, qazaqstandyq boksshy profırıngke sońǵy ret 2017 jyldyń 19 qazanynda shyqty. Ol Las-Vegastyń (AQSh) Monte Carlo Resort and Casino arenasynda tóreshilerdiń biraýyzdy sheshimimen meksıkalyq Fernando Vergasty jeńdi. Solaısha, Dúnıejúzilik boks keńesiniń (WBC) nusqasy boıynsha ekinshi jartylaı jeńil salmaqtaǵy qurlyqaralyq chempıon tıtýlyn qorǵap qaldy.