Bekmambetov TMD jáne Baltyq elderiniń úzdik prodıýseri atandy
ASTANA. 24 qyrkúıek. QazAqparat - Belgili rejısser, prodıýser, stsenarıst ári «Bazelevs» kınokompanııasynyń negizin qalaýshy Tımýr Bekmambetov
TMD, Latvııa, Lıtva jáne Estonııa elderiniń «Kınoshok» festıvalinde úzdik prodıýser ataǵyn jeńip aldy. Bul týraly Reseı Jańalyqtary agenttigi habarlap otyr.
Kınofestıval keshe keshke Anapa qalasynda saltanatty túrde jabyldy. Agenttiktiń habarlaýynsha, jabylý saltanatyna Bekmambetov kele almapty.
Tımýr Bekmambetov 1961 jyly 25 maýsymda Qazaq KSR-yndaǵy Gýrev qalasynda týylǵan. 1987 jyly Tashkenttiń teatr jáne kórkem óner ınstıtýtyn «teatr jáne kıno sýretshisi» mamandyǵy boıynsha bitirdi. «Imperıal» bankine arnap túsirgen jarnamalar rolıgimen tanymaldyqqa ıe bolyp, «Túngi sholǵynshy» jáne «Kúndizgi sholǵynshy. Taǵdyr bory» atty fılmderi arqyly álemge ataǵy jaıyldy.
