Bekmambetov Kamberbetchti jańa fılmniń basty róline shaqyrdy
ASTANA. QazAqparat - Basty rólde Benedıkt Kamberbetch oınaıtyn amerıkandyq «Toktar soǵysy» (The Current War) fılminiń túsirilimi jyldyń sońynda bastalady, dep áńgimeledi fılmniń prodıýseri Tımýr Bekmambetov RIA Novostı agenttigine.
Budan buryn brıtandyq akter Kamberbetch prodıýseri Bekmambetov bolatyn «Toktar soǵysy» kartınasynda ónertapqysh jáne kásipker Tomas Edısonnyń rólin oınaıtyny habarlanǵan bolatyn.
Fılm Edıson men ınjener jáne ónerkásipshi Djordj Vestıngaýzdyń turaqty jáne aınymaly tokty paıdalanýdaǵy kúreste bir-birimen qarsy turýy týraly baıandaıdy. Vestıngaýzdyń rólin amerıkandyq Djeık Djıllenhol somdaıdy.
Kamberbetchti «Sherlok» serıalyndaǵy basty ról álemdik tanymaldyqqa jetkizdi, onyń alǵashqy fılmi 2010 jyly efırge shyqty. Serıal úshin ol «Altyn globýs» (2013), «Spýtnık (2012) jáne «Emmı Praım-taım (2014) syılyqtaryna ıe boldy.
Kamberbetch «Buzýshylar» dramasynda, «Sherýdiń aqyry» melodramasynda, «Besinshi bılik» trıllerinde, «Hobbıt: bes soǵysshylardyń urysy» jáne basqa da fılmderde basty rólderdi oınady.
«Elikteý oıyny» áskerı dramasyndaǵy basty róli úshin «Oskar», «Altyn globýs» jáne Irlandııa kıno jáne televıdenıe akademııasynyń syılyqtaryna ıe boldy.
2014 jylǵy sáýirde akter Time nusqasy boıynsha óner salasyndaǵy eń yqpaldy adamdar tizimine endi.
2015 jylǵy qarashada Ulybrıtanııa patshaıymy Elızaveta ІІ Benedıkt Kamberbetchke Brıtan ımperııasynyń ordenin tapsyrdy. Ol bul marapatqa akterlik jumysy jáne qaıyrymdylyq qyzmeti úshin ıe boldy.
