Bekmambetov AQSh-ta «Dostyqtan shyǵarý» fılminiń jalǵasyn usyndy
ASTANA. QazAqparat - Prodıýser ári rejısser Tımýr Bekmambetov Tehasta ótken South by Southwest festıvalinde «Dostyqtan shyǵarý» fılminiń jalǵasyn usyndy, dep habarlaıdy TASS.
«Fılmdi prodıýserler Tımýr Bekmambetov (Bazelevs) pen Djeıson Blým (Blumhouse Productions) usyndy», - dep habarlaǵan týyndyny túsirýmen aınalysyp jatqan Bazelevs kınokompanııasynyń baspasóz qyzmeti.
Fılmniń jalǵasy, ıaǵnı sıkvel senbi kúni Unfriended: Dark Web («Dostyqtan shyǵarý: Darknet») degen ataýmen tanystyrylǵan.
Fılmniń sıýjeti jańa kompıýterinen jasyryn faıldardy taýyp alyp, darknet (jeke jeli) álemine enip ketetin jas jigittiń oqıǵasy tóńireginde órbıdi.
«Fılm Tımýr Bekmambetov oılap tapqan Screenlife atty ınnovatsııalyq formatta túsirilgen. Ol alǵash osy fılmniń birinshi bóliminde júzege asyrylǵan bolatyn. ıAǵnı, barlyq oqıǵa basty keıipkerdiń kompıýteriniń ekranynda kórinis tabady. Stsenarıı rejısseri ári avtory - Stıven Sasko.
