Bekmahanov oqýlary aıasynda halyqaralyq ǵylymı-tájirıbelik pikir almasý ótpek
ALMATY. 24 mamyr. QazAqparat /Ádilet Musahaev/ - mamyrdyń 26-27 aralyǵynda ál-Farabı atyndaǵy Qazaq ulttyq ýnıversıtetiniń tarıh fakýltetinde dástúrli Bekmahanov oqýlary aıasynda halyqaralyq ǵylymı-tájirıbelik pikir almasý ótedi,
dep málimdeıdi atalǵan ýnıversıtettiń baspasóz qyzmeti.
Jańa formatta ótkizilgeli otyrǵan pikir almasýdyń maqsaty - Qazaqstan tarıh ǵylymyn qazirgi qubylystyń syrtqy kórinisin ǵana sýretteıtin empırıkalyq deńgeıden qubylystyń ishki mán- maǵynasyn, mazmunyn ashatyn teorııalyq deńgeıge kóterý.
Jıyn barysynda Qazaqstan tarıh ǵylymynyń teorııalyq-ádistemelik problemalary, qazaq tarıhynyń uǵymdyq jáne termınologııalyq máseleleri, tarıh ǵylymy máseleleriniń tarıhnamasy, derektanýdyń teorııalyq jáne qoldanbalyq sıpattary jáne kásibı tarıhshy-mamandar daıarlaý máseleleri talqylanady.
Fakýltet ujymy ózara aqyldasa kele, jalpy ǵylymı konferentsııalardy, onyń ishinde Bekmahanov oqýlaryn da, ótkizýdiń qalyptasqan jáne ózin-ózi tolyq taýysqan júıesinen bas tartyp, jańa formatta ótkizýdi kózdep otyr. Óıtkeni, birinshiden, ýaqyt talabyna jáne «Ǵylym týraly zańǵa» saı respýblıka boıynsha bilim berý jáne mamandar daıarlaýdyń jańa júıesine kóshýi kásipqoı tarıhshylardan ǵylymı-zertteý jumystaryn jańa deńgeıge kóterýdi talap etip otyr. Ekinshiden, keńestik kezeńnen qalǵan Qazaqstannyń tarıh ǵylymyn túbegeıli qaıta qurý arqyly qazirgi empırıkalyq deńgeıden teorııalyq deńgeıge kóterý de kezek kúttirmeıtin másele bolyp tabylady. Úshinshiden, ýaqyt bizden zamanýı talapqa saı keletin tarıhshy -zertteýshilerdiń jańa býyn ókilderin, ıaǵnı teorııalyq daıyndyǵy tereń kásibı mamandar daıarlaýdy qajet etip otyr. Osylar jáne basqa da faktorlar bizden ǵylymı konferentsııalar ótkizýdiń jańa jáne tıimdi joldaryn izdestirýdi talap etedi.
Kezekti Bekmahanov oqýlaryn jańasha ótkizýdegi maqsat, tarıh ǵylymynyń eń ózekti birneshe makroproblemalary boıynsha erkin pikir almasý arqyly, búgingi Qazaqstan tarıh ǵylymynyń realdy jaǵdaıy men naqty teorııalyq-metodologııalyq problemalaryn aıqyndaý jáne múmkindiginshe olardy sheshý joldaryn izdestirý.
Barlyq ıllıýzııalardan, dálirek aıtqanda, ózimizdi ózimiz aldaýdan bas tartyp, Qazaqstan tarıh ǵylymynyń naqty realdy jaǵdaıyn anyqtap almaı, tarıh ǵylymyn óz dárejesinde damytý múmkin emes. Al, ǵylymnyń zemanaýı jetistikterine saı damyǵan tarıh ǵylymynsyz tanymdyq áleýeti mol, ulttyń jady mindetin atqara alatyn, júıeli de obektıvti qazaq tarıhynyń jazylýy da múmkin emes. Onyń zańdylyq ekendigin ýaqyt tolyǵymen dáleldep berdi.
Máseleniń ult taǵdyry úshin asa mańyzdylyǵyn eskere otyryp, uıymdastyrý alqasy qazaq tarıhy, Qazaqstannyń tarıh ǵylymy týraly pikir aıtamyn degen tarıhshy mamandardy jáne basqa da ult tarıhynyń janashyrlaryn Qazaqstannyń tarıh ǵylymynyń birneshe makroproblemalaryn birigip talqylaý maqsatynda pikir almasýǵa shaqyrady.
Máseleniń asa mańyzdylyǵyna jáne qoıylyp otyrǵan problemalardyń kúrdeliligine baılanysty biz Bekmahanov oqýlaryna úlken daıyndyqpen kelý qajet dep bilemiz. Oǵan Almaty qalasynyń tarıhshy ǵalymdary men BAQ jáne jurtshylyq ókilderin shaqyryp keń kólemde pikir almasý qajet. Pikir almasýǵa shetel ǵalymdary da qatysady dep kútilýde.
16 sáýirde beıresmı dógelek ústel basynda erkin pikir almasý ótkizilip, konferentsııa baǵdarlamasy bekitilgen.
Qorytyndy otyrys 26-27 mamyrda ótetin Bekmahanov oqýlary. Onda Qazaqstannyń tarıh ǵylymynyń kórsetilgen makroproblemalary anyqtalyp, talqylanýy tıis.
Pikir almasýda burynǵydaı ár kim óz taqyrybymen kelmeıdi jáne olar jarııalanbaıdy. Tek kórsetilgen problemalar boıynsha aıtylǵan pikirler tyńdalyp, naqty máselele boıynsha aıtylǵan naqty oı-pikirler jarııalandy.
