«Bekire» operatsııasy barysynda 287 zań buzý áreketteri anyqtaldy
ASTANA. Sáýirdiń 28-i. QazAqparat /Aıdar Ospanalıev/ - «Bekire» operatsııasy barysynda tártip saqshylary 287 zań buzý áreketterin anyqtady.
Onyń 252 faktisi zańsyz balyq aýlaýǵa,
7 faktisi balyqty zańsyz saýdalaýǵa, 28 faktisi zańsyz aýlanǵan balyqtardy tasymaldaýǵa qatysty bolyp otyr. Bul málimettermen búgin Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov tanystyrdy, dep habarlaıdy QazAqparat.
Onyń derekteri boıynsha, atalǵan faktiler boıynsha 15 qylmystyq is qozǵalyp, olardyń 7-ýi aıaqtaldy. 18 materıal tıisti protsessýaldyq sheshim qabyldaýǵa jiberilgen. Balyq aýlaý zańnamalaryn buzǵany úshin 225 adam ákimshilik jaýapqa tartylyp, olardan 1,2 mıllıon teńge kóleminde aıyppul alyndy. «Zań buzýshylardan 26,7 tonna balyq tárkilendi. Olardyń 475 kılási bekire tuqymdas balyqtar. Sondaı-aq 488 balyq aýlaý men 37 sýda júzetin quraldar tárkilendi», dedi Q.Jumanov.
Onyń aıtýynsha, «Bekire» jedel-saýyqtyrý sharasy eldegi sý resýrstaryndaǵy baılyqtarǵa qolsuǵýshylyqtyń aldyn alý men jolyn kesý maqsatynda sáýirdiń 10-y men maýsymnyń 1-i aralyǵynda Oral-Kaspıı basseıninde júrip jatyr. Shara Ulttyq qaýipsizdik komıtetiniń Shekara qyzmetiniń ókilderimen birlesip júrgizilýde. «Kóktem mezgilinde, ıaǵnı balyqtardyń ýyldyryq shashatyn ýaqytynda elimizdiń ózge de sý qoımalarynda brakonerlik áreketter jandana túsetin ádeti. Sondyqtan qazir Aral-Syrdarııa, Zaısan-Ertis basseınderinde Almaty, Shyǵys Qazaqstan, Qaraǵandy, Qyzylorda oblystarynyń tártip saqshylary balyq qorǵaý sharýashylyǵy qyzmetkerlerine kómek kórsetýde, dedi departament basshysy.
