«Bekire» balyq qorǵaý aktsııasy: balyq aýlaý talaptaryn buzǵan 81 adam ustaldy

ASTANA. QazAqparat - «Bekire» balyq qorǵaý aktsııasy aıasynda 348 (2 175 kg) bekire tuqymdas balyq, 14 722 (9 984 kg) usaq tuqymdas balyq jáne 7 (141 kg) ıtbalyq tabıǵı mekendeý ortasyna jiberildi, dep habarlaıdy QazAqparat QR UQK baspasóz qyzmetine silteme jasap.

2023 jylǵy 1 sáýir men 31 mamyr aralyǵynda UQK Shekara qyzmeti Atyraý jáne Mańǵystaý oblystary boıynsha departamentteri «Bekire» balyq qorǵaý aktsııasy aıasynda balyq aýlaýdyń bekitilgen tártipteri men talaptaryn buzǵan 34 kishi kólemdi júzý quraldarymen 81 adamdy ustady, 2 302 875 somasynda ákimshilik aıyppul salyndy, 152 550 metr brakonerlik torlar, 6 650 metr kúrshektik qurylǵylar tárkilendi.
Tabıǵı mekendeý ortasyna 348 (2 175 kg) bekire tuqymdas balyq, 14 722 (9 984 kg) usaq tuqymdas balyq jáne 7 (141 kg) ıtbalyq jiberildi.
Aldyn ala derekter boıynsha aldy alynǵan memlekettik shyǵyn 746 mln. asa teńgeni quraıdy.
Sonymen qatar, jasyrylǵan jerlerden 32 (160 kg) bekire tuqymdas balyq jáne 1 722 (433 kg) usaq tuqymdas balyq tabyldy.