«Bekire» aktsııasynyń barysynda 250 zań buzý áreketi anyqtaldy
ATYRAÝ. QazAqparat - Jaıyq-Kaspıı basseıninde júrgizilgen «Bekire» operatsııasynyń barysynda tabıǵatty qorǵaý zańnamalaryn buzýdyń 250 áreketi anyqtaldy, dep habarlaıdy QazAqparat.
«Aýmaqtaǵy 250 buzýshylyqtyń 173-i Atyraý oblysynda, 68-i Mańǵystaý oblysynda jáne 9-y BQO-da anyqtalǵan. 191 adam ákimshilik jaýapqa tartyldy. 14 qylmystyq-jazalanatyn áreket tirkelip, 2,3 mln teńge somasynda ákimshilik aıyppul salyndy. Quqyq buzýshylardan 8 tonna 811 keli balyq tárkilendi. Onyń ishinde 621 kelisi bekire tuqymdas balyqtar jáne 3,2 keli qara ýyldyryq bolǵan», - dep habarlady Atyraý aýmaqtyq orman sharýashylyǵy jáne janýarlar álemi ınspektsııasynyń resmı ókili Oleg Týshkanov.
Eske salaıyq, brakonerlerden balyqtardy qorǵaýǵa baǵyttalǵan «Bekire» aktsııasy 1 sáýirde bastaldy.
Avtor: A. Sokolov
