«Bekire» aktsııasy: Qazaqstandyqtar 21 tonna balyqty zańsyz aýlaǵan

NUR-SULTAN. QazAqparat – «Bekire» aktsııasy barysynda zańsyz aýlanǵan 21 tonna balyq tárkildendi. Bul týraly QR Іshki ister mınıstrliginiń resmı ókili Nurdildá Oraz málim etti, dep habarlaıdy QazAqparat tilshisi.

Onyń atap ótýinshe, Jaıyq-Kaspıı basseıninde zańsyz balyq alýlaýdyń aldyn aldyn alýǵa baǵyttalǵan «Bekire» aktsııasy ótkizildi. Aktsııa aıasynda Atyraý, Mańǵystaý, Batys Qazaqstan oblystarynyń Polıtsııa departamentteri balyq jáne balyq ónimderin zańsyz aýlaýdyń, satýdyń aldyn alýǵa baǵyttalǵan jedel izdestirý is-sharalaryn júrgizdi.

«Іs-shara sáýir aıynan bastap UQK Shekara qyzmeti, tabıǵatty qorǵaý prokýratýrasy, kedendik baqylaý jáne balyq qorǵaý organdarymen birge júrgizildi. Batys óńirdiń polıtsııa organdary 419 quqyq buzýshylyqty, onyń ishinde zańsyz balyq aýlaýdyń 259 faktisin anyqtady. 419 quqyq buzýshy ustalyp, 21 tonnadan astam balyq tárkilendi. Onyń ishinde 4,5 myń tonna bekire tuqymdas balyq bar. Sonymen qatar 242 aýlaý quraly, 13 úzý quraly tárkilendi», - dedi ol.

Resmı ókildiń dereginshe, balyq resýrstaryn zańsyz aýlaý, qylmystyq jolmen aýlanǵan balyqty satyp alý jáne satýǵa qatysty 67 qylmystyq is tirkeldi.

«Qazirgi ýaqytta 8 qylmystyq is sotqa jiberildi. 352 ákimshilik hattama toltyrylyp, 6 mln teńgege aıyppul salyndy. Máselen, Fort-Shevchenko qalasynda jergilikti turǵynnyń úıinen 900 kelige jýyq bekire balyǵy tabyldy. Atyraý oblysynyń sý polıtsııasy qyzmetkerleri Atyraý qalasy turǵynynan jalpy salmaǵy 1 tonnaǵa jýyqtaıtyn zańsyz aýlanǵan 247 bekire balyǵyn tárkiledi. Atalǵan faktiler boıynsha sotqa deıingi tergeý júrgizilip jatyr», - dedi Nurdildá Oraz.