«Bekire» aktsııasy barysynda 2012 jyly 8 shetel brakoneri ustaldy
Bul týraly búgin QR Aýyl sharýashylyǵy mınıstrliginde ótken baspasóz máslıhatynda Balyq sharýashylyǵy komıtetiniń bas sarapshysy Aıan Bahııanov málim etti.
«Jaıyq-Kaspıı» basseıniniń akvatorııasynda kóktemgi jáne kúzgi kezeńderde bekire tuqymdas balyqtardyń ýyldyryq shashý ýaqytynda olardyń zańsyz aýlaýyna tyıym salýǵa baǵyttalǵan keń aýqymdy «Bekire» balyq qorǵaý aktsııasy júrgizildi. Shara barysynda tabıǵat qorǵaý zańnamasyn sheteldik azamattarmen buzýdyń 3 oqıǵasy anyqtaldy», - dedi bas sarapshy.
Onyń atap ótkenindeı, nátıjesinde 8 shetel brakoneri ustalǵan. Olardan jalpy salmaǵy 114 keli bekire balyǵy, 800 metr ahan torlary, 3 «Baıda» qaıyǵy, «ıAmaha» aspaly motorynyń 6 birligi tárkilengen. Brakonerlerge qarsy uıymdastyrylǵan atalmysh sharaǵa 111 qyzmetker, 14 ózendi patrýldi katerleri, shaǵyn kólemdi kemelerdiń 29 birligi, avtokóliktiń 18 birligi tartylǵan. Kún saıyn sý aıdyndaryn súzý barysynda 1100 dana zańsyz balyq aýlaý quraldary alynady.