«Bekire» aktsııasy: 200-ge jýyq adam jazaǵa tartyldy

NUR-SULTAN. QazAqparat - Bıylǵy sáýirdiń basynan beri «Bekire - 2019» aktsııasy barysynda 250 tabıǵat qorǵaý zańnamasyn buzýshylyǵy anyqtaldy. Bul týraly QR AShM Orman sharýashylyǵy jáne janýarlar dúnıesi komıtetiniń basqarma basshysy Qadyrbek Isqalıev aıtty, dep habarlaıdy QazAqparat tilshisi.

«1 sáýirden bastap Atyraý, Mańǵystaý jáne Batys Qazaqstan oblystarynda «Bekire - 2019» balyq qorǵaý aktsııasy bastaldy. Aktsııa bastalǵannan beri 250 tabıǵatty qorǵaý zańnamasyn buzǵandar anyqtaldy. Onyń ishinde Atyraý oblysynyń aýmaǵynda - 173, Mańǵystaý oblysynda - 68, BQO-da 9. Jalpy ákimshilik jaýapkershilikke 191 adam tartyldy, 13 qylmystyq jazalanatyn is-áreket belgileri tirkeldi jáne 2,3 mln teńge ákimshilik aıyppul salyndy. Sonymen qatar, zańsyz áreketter saldarynan 8 tonna 715 keli balyq, onyń ishinde 536 keli bekire tuqymdas balyq aýlanyp, 3,2 keli ýyldyryq alyndy» - dedi Q.Isqalıev baspasóz máslıhatynda.

Vedomstvo málimetine qaraǵanda, 2018 jyly elimizde tabıǵat qorǵaý zańnamasyn buzǵan 8840 ákimshilik quqyq buzýshylyq faktisi tirkeldi. 180 brakonerlik oqıǵasy tirkelip, onyń 78 faktisi kıik boıynsha, al 102 faktisi basqa janýarlardyń túrlerine qatysty. 2019 jyldyń І toqsanynda osyndaı 1740 zań buzýshylyq anyqtaldy.