«Bekire – 2023»: Bir aıda zańsyz aınalymnan jarty tonnaǵa jýyq bekire tárkilendi
Jaıyq-Kaspıı oblysaralyq balyq sharýashylyǵy basseındik ınspektsııasynyń ókili Oleg Týshkanovtyń málimetine súıensek, aktsııa bastalǵannan beri 432 quqyq buzýshylyq anyqtalǵan. Osyǵan baılanysty 319 adam ákimshilik jaýapqa tartylǵan.
«Atyraý, Batys Qazaqstan jáne Mańǵystaý oblystarynda 1 sáýirden beri «Bekire – 2023» balyq qorǵaý aktsııasy ótip jatyr. Máselen, 1-27 sáýir aralyǵynda balyq qorǵaý zańdylyǵyn buzýshylarǵa jalpy somasy 5,8 mln teńgeniń aıyppuly salyndy. Zańsyz aınalymnan 4 tonna 370 keli balyq alyndy. Onyń ishinde 495,85 keli bekire tuqymdas balyq túrleri, 28 keli bekire tuqymdas balyqtardyń ýyldyryǵy bar. Quqyq buzýshylardan 158 balyq aýlaý quraly, 33 sý kóligi jáne 11 avtomashına tárkilendi», -dep habarlady Oleg Týshkanov.
Onyń aıtýynsha, kún saıyn Jaıyq ózeniniń saǵasy men Kaspıı teńiziniń akvatorııasy tekseriledi. Sonyń nátıjesinde jalpy uzyndyǵy 30 shaqyrymnan asatyn 330 zańsyz balyq aýlaý quraldary alynǵan.
Eske sala ketelik, budan buryn brakonerler Jaıyq jaǵasyndaǵy qamysqa 36 kelige jýyq bekire jasyrǵanyn habarlaǵan bolatynbyz.
Bıylǵy 9 sáýirde Damby balyq ınspektsııasy men Shekara qyzmetiniń qyzmetkerleri Jaıyq ózeniniń jaǵalaýyna tekserý júrgizgen.
«Tekserý kezinde «Peshnoı» eldi mekeni tusyndaǵy qamys arasynan jalpy salmaǵy 35,9 keli 15 bekire tuqymdas balyq tabyldy. Baǵaly balyqtyń bári tárkilendi. Bul derekke qatysty sotqa deıingi tergep-tekserý júrgiziledi. Balyq resýrstaryna keltirilgen zalal – 18 mln 578 myń teńge», -dep málim etken edi Oleg Týshkanov.