«Bekire-2012», «Ýyldyryq shashý-2012» aktsııalaryna 500-den astam memlekettik ınspektor jumyldyrylady - QR AShM
ASTANA. 23 aqpan. QazAqparat - Qazaqstan Respýblıkasynyń Aýyl sharýashylyǵy mınıstrligi «Bekire-2012», «Ýyldyryq shashý-2012» balyq qorǵaý boıynsha aýqymdy aktsııalaryn ótkizedi.
Búgin mınıstrlikte atalmysh aktsııalardyń ótkizilýine arnalǵan májilis ótti. Májiliske respýblıkanyń tabıǵatty qorǵaý jáne quqyq qorǵaý organdary, sondaı-aq osy salamen baılanysty barlyq memlekettik organdardyń ókilderi qatysty. Jıyn barysynda «Bekire» jáne «Ýyldyryq» balyq qorǵaý aktsııalarynyń ótken jylǵy qorytyndylary jasaldy. Oral-Kaspıı oblysaralyq balyq sharýashylyǵy basseındik ınspektsııasy 2011 jyldyń 10 sáýirinen 30 mamyryna deıin ótken «Bekire-2011» kóktemgi aktsııasy barysynda balyq qorǵaý zańnamasyn buzýdyń 417 áreketin anyqtady. Brakonerlerden 696 balyq aýlaý quraly, 31 avtokólik pen júzý quraldary alyndy. Buǵan qosa, bekire tuqymdas balyqtyń 50 keli eti men 6,8 keli ýyldyryǵy tárkilendi. Tergeý organdaryna qylmystyq jazalaý sıpaty bar 46 materıal jiberilip, onyń 9-y boıynsha qylmystyq is qozǵaldy.
Jalpy 2011 jyly Reseı Federatsııasy azamattary tarapynan tabıǵatty qorǵaý zańnamasyn buzýdyń 5 faktisi anyqtaldy. Osy faktiler boıynsha 19 shetel azamaty ustalyp, bekire tuqymdas balyq túriniń 562 kelisi, uzyndyǵy 900 metrden asatyn ahan aýy, «Baıda» tıpti 5 qaıyq, 13 «ıAmaha» aspaly motory men balyq aýlaýǵa arnalǵan quraldar tárkilendi. Bul faktiler boıynsha, materıaldar oblystyń quqyq qorǵaý organdaryna jiberildi. Jınalys barysynda Oral-Kaspıı basseınindegi brakonerlikke qarsy kúreske baǵyttalǵan is-sharanyń tıimdiligi men quqyqtyq retteý máseleleri, soǵan qosa qundy balyqtardyń saqtalýyn qamtamasyz etý úshin quqyqtyq tetik qalyptastyrý máseleleri qaraldy.
Kún tártibine shyǵarylǵan máselelerdi talqylaý nátıjesinde barlyq oblysaralyq basseındik balyq sharýashylyǵy ınspektsııalarynyń janynda respýblıka oblystarynyń tabıǵat jáne quqyq qorǵaý aımaqtyq organdarynyń jumystaryn úılestirýge arnalǵan Aımaqtyq shtabtar qurý jóninde sheshim qabyldandy. Qazirgi kezde zańsyz balyq aýlaý faktileri múmkin jerlerde tehnıkalyq quraldardyń ornalasý kartasy ázirlengen, turaqty balyq qorǵaý tuǵyrlary ornatylyp, jumys isteýde. «Bekire-2012» jáne «Ýyldyryq shashý-2012»aktsııasyna 500-den astam memlekettik ınspektor qatysady jáne 90-ǵa jýyq júzý jáne kólik quraly qoldanylady dep josparlanýda.
«Bekire-2012» jáne «Ýyldyryq shashý-2012» keń aýqymdy balyq qorǵaý aktsııalarynyń kóktemgi kezeńiniń nátıjeleri jergilikti jáne respýblıkalyq mańyzy bar buqaralyq aqparat quraldarynda keńinen jarııalanady.
