«Beket» jedel aldyn alý sharasy barysynda 3 qylmystyq is qozǵaldy

ASTANA. 10 jeltoqsan. QazAqparat - «Beket» jedel aldyn alý sharasy barysynda 3 qylmystyq is qozǵaldy. Bul týraly búgin QR QM Kedendik baqylaý komıtetiniń basqarma bastyǵy tóraǵasynyń orynbasary Rınat Smaǵulov aıtty.

«2013 jyldyń 4 qarashasynan osy ýaqytqa deıin ótkizilip jatqan «Beket» jedel aldyn alý sharasy barysynda 3 qylmystyq is qozǵaldy. Onyń 2-eýi taýardy kontrabandalyq jolmen tasymaldaý faktisi boıynsha bolsa, 1-eýi kedendik tólemder men salyqtan jaltarýǵa qatysty», - dedi ol.

Onyń alǵa tartqan derekterine qaraǵanda, «Alıans Ekspress Logıstık» JShS 25 mıllıonnan astam, al «Magnıt-M» 29 mıllıonnan astam teńgeniń taýaryn kontrabandalyq jolmen ákelgen. Al «Astana avto market» bolsa, 231 mln. teńgeden astam kedendik tólemder men salyqtardy tóleýden jaltarǵan.