«Beket» jedel aldyn alý sharasy barysynda 1 ǵana kompanııanyń 296 mln. teńge kedendik tólemderden jaltarǵany anyqtaldy
Onyń atap ótýinshe, is-sharanyń maqsaty - Qytaıdan kontrabandalyq jolmen ákelinetin taýarlardan memleketke keletin zalaldy azaıtý. Osyǵan oraı Qytaıdan ákelinetin taýarlardyń táýekel deńgeıi «joǵary» ekendigin eskerip, keden organdary múddeli memlekettik organdarmen birlesip «jasyl dáliz» jobasyn engizgen.
«Jobanyń máni zańdy buzbaıtyn syrtqy ekonomıkalyq qyzmetke qatysýshyǵa shekarada ótkizý pýnkterinde óz taýarlaryn tez arada, ıaǵnı, 100 mınýt ishinde ótkizýdi, ony baratyn keden organyna neǵurlym tez jetkizýdi jáne ol jerde júkke jedel kedendik tazartý múmkindigin berý», - dedi A.Erjanov.
Tóraǵa orynbasarynyń aıtýynsha, «Jasyl dáliz» jobasy boıynsha mundaı qolaıly rejimdi memleket aldynda jaýapty jáne adal, aıqyn bıznes júrgizýge daıyn syrtqy ekonomıkalyq qyzmetke qatysýshylar ǵana paıdalana alady. Qazirgi kezde ýákiletti ekonomıkalyq operatorlar tizilimine 67 kompanııa engizilgen, onyń 20-ǵa jýyǵy «jasyl dáliz» jobasy aıasynda jumys isteýde.
«Shuǵyl toptar júrgizgen tekserý nátıjesi boıynsha, alaqol kompanııalar bıýdjetke tólenýi tıis kedendik tólemderdiń tek 8-10 paıyzyn ǵana tóleýde. Aýytqý 10 esege jetip jyǵylady, ıaǵnı, 17-20 mln teńgeniń ornyna bıýdjetke 2 mln. teńgeden de az túsedi. Sondaı-aq, ımporttalatyn taýar qunyn rastaıtyn jalǵan qujattardy paıdalaný faktileri anyqtalýda. Bir ǵana kompanııa boıynsha mundaı fakt 296 mln. teńgeden astam somaǵa kedendik tólemder men salyqtardy tóleýden jaltarýǵa jol ashqan», - dedi ol.
