«Beket ata» jerasty meshitine baratyn jol jóndeldi
Jyl ótken saıyn Kaspıı teńiziniń jaǵasy týrıster demalatyn orynǵa aınalyp, kelýshilerdiń sany artqan. Teńizden bólek - Beket ata jerasty meshiti jáne basqa da kıeli oryndar dál osy Mańǵystaý jerinde.
Jyl saıyn jerasty meshitine keletin ishki jáne syrtqy týrısterdiń sany artqan. Bıyl sáýletshi, aǵartýshy Beket ata Myrzaǵululynyń 270 jyldyǵy. Mereke qarsańynda Beket ata meshiti men oǵan aparatyn jol boıy jáne Shopan ata meshitteriniń aýmaǵy abattandyrylyp, kóne jádigerler qaıta qalpyna keltirý jumystary júrgizilýde.
12 shaqyrym qashyqta jer astynan shyǵatyn tabıǵı sýdan qubyr tartyp, meshitke deıin ákelindi.
2017 jyly «Ata joly» avtomobıl jolyn qaıta jóndeý bastalǵan bolatyn. Joba eki kezeńde júrgizildi. Alǵashqy bóliginde 5, 4 mlrd teńgege 51 shaqyrym jol jóndelse, ekinshi kezeńinde 4,5 mlrd teńgege 46 shaqyrym jolǵa rekonstrýktsııa jasalyp, asfalt tóseldi.
Endigi kezekte oblys ákiminiń tapsyrmasymen Beket ata meshitine gaz jelisin tartý máselesi qolǵa alyndy. Demeýshilerdiń kómegimen aldaǵy ýaqytta bul joba da iske asyrylmaq.
