Beket ata barsha Mańǵystaý óńirine tanymal, bul qala úshin tarıhı ataý bolar edi - quqyqtanýshy M.Bashımov
ASTANA. 4 qarasha. QazAqparat - Beket ata barsha Mańǵystaý óńirine tanymal, bul qala úshin tarıhı ataý bolar edi.
Belgili quqyqtanýshy Marat Bashımov jurtshylyq arasynda talas týǵyzǵan Jańaózen ataýyn Beket ataǵa ózgertý jónindegi Mańǵystaý oblysy aqasaqaldarynyń usynysy jaıly osyndaı pikir bildirdi.
«Mańǵystaýlyq aqsaqaldardyń bul ıdeıasy durys dep esepteımin. Beket ata esimi aımaqqa keńinen tanys, bul qala úshin tarıhı ataý bolar edi. Al Jańaózen ataýynyń eshqandaı salmaǵy da joq. Budan basqa Beket ata jaǵymdy da estiler edi, deıdi M.Bashımov.
Quqyqtanýshy asa qyzý talqylanýdan-aq buǵan Mańǵystaý oblysy jurtshylyǵynyń keńinen mańyz berýi bul másele boıynsha halyqqa jan-jaqty túsinik jumystaryn jáne qoǵamdyq taldaý júrgizý qajettigin kórsetedi.
Eske sala ketsek, Jańaózen ataýyn Beket ata dep ózgertý týraly Mańǵystaý oblysy aqsaqaldary qazan aıynyń sońynda usynys bildirgen edi. Bul bastama jaıly jýrnalısterge Jańaózen qalalyq aqsaqaldar keńesiniń tóraǵasy Asylbek Aıdarov málim etken bolatyn.
