«Beket ata» avtojoly normaǵa saı bolmaı shyqty

AQTAÝ. QazAqparat - «Beket ata» jolyna júrgizilgen monıtorıng nátıjesinde avtojoldyń belgilengen normaǵa saı emestigi anyqtaldy, dep habarlaıdy Qazaqparat tilshisi.

«Sapaly jol – Adaldyq alańy» jobasy aıasynda Mańǵystaý oblystyq sybaılas jemqorlyqqa qarsy is-qımyl departamentiniń uıymdastyrýymen avtomobıl joldaryn salýǵa jáne jóndeýge bólingen bıýdjet qarajatynyń tıimdi jumsalýyna monıtorıng jumystary júrgizilgen.

Osyǵan oraı, «Beket ata joly» avtojolyna monıtorıng jumystary júrgizilip, salynǵan trassa bóliginen synamalar alyndy (1-38 kılometr). Tekserý nátıjesinde joldyń tyǵyzdyq koeffıtsenti normalarǵa sáıkes emestigi anyqtaldy.

Osy turǵyda, atalǵan joldy salýshy merdiger «Aqjol qurylys» JShS tarapynan anyqtalǵan kemshilikterge kelispeýine baılanysty departament jáne «Ulttyq jol aktıvteri sapasy ortalyǵy» RMK fılıalynyń qatysýymen atalǵan jol sapasyna qaıta baqylaý júrgizildi.

Jumys aıasynda mamandar asfalttan synama alyp, onyń quramyn normatıvtik standarttarǵa sáıkestigin arnaıy zerthanada tekseretin bolady.

Sonymen qatar, joldyń eni men kólemi de nazardan tys qalmaıdy.