Bekbolat Tileýhan: Nazarbaevtyń esimin ulyqtaý - Táýelsizdiktiń qadirin bilý

ASTANA. QazAqparat - QR Parlament Májilisiniń depýtaty Bekbolat Tileýhan elorda ataýyn ózgertý bastamasyna pikir bildirdi, dep habarlaıdy QazAqparat tilshisi.

«Árıne, durys sheshim dep bilemin. Qazirgi kezde túrli pikir aıtylýda. Jalpy, Qazaqstanda tarıhı ádil sheshim jasaldy jáne osylaı bolýy kerek dep oılaımyn. Óıkeni, Táýelsiz Qazaqstannyń joly Nursultan Ábishulynyń esimimen tyǵyz baılanysty. Tıisti qabyldanǵan sheshimge toqtalsaq, mundaı jaǵdaı álemdik tájirıbede bar», - dedi depýtat elordadaǵy Naýryz merekesin toılaý sharasynda.

Osy oraıda B. Tileýhan AQSh negizin salǵan Djordj Vashıngton esimine kezinde laıyqty baǵa berilgenin atap ótti.

«Sondyqtan Nazarbaevtyń esimin ulyqtaý - ol Táýelsizdiktiń qadirin bilý degen sóz. Bul turǵyda men osyndaı pikirdi ustanyp turmyn», - dedi depýtat.

Budan buryn habarlanǵandaı, Prezıdent mindetin ýaqytsha atqarýǵa kirisken Qasym-Jomart Toqaev Astana qalasynyń ataýyn Nursultan dep ózgertý týraly usynys jasaǵan bolatyn.

Parlament Astananyń ataýyn Nursultan dep ózgertý týraly qujatty qabyldady.