Bekbolat Tileýhan basqarǵan Ulttyq sport túrleri qaýymdastyǵyna jańa basshy keldi
Qaýymdastyq prezıdenti bolyp belgili kásipker jáne metsenat, Altyn Qyran Foundation qoǵamdyq qory qamqorshylyq keńesiniń tóraǵasy Islambek Saljanov saılandy.
«Táýelsizdik jyldarynda ulttyq sport túrlerin nasıhattaý jáne damytý baǵytynda aıtarlyqtaı jumys atqaryldy. Jarystar respýblıkalyq jáne halyqaralyq deńgeıde ótkizildi, qajetti ınfraqurylym paıda boldy. Búginde Qaýymdastyq aldynda jańa mindetter tur, olarǵa qol jetkizý úshin barlyq taraptardyń kúsh-jigerin biriktirý qajet» , – dedi jıyn barysynda Mádenıet jáne sport mınıstri Dáýren Abaev.
Óz kezeginde Islambek Saljanov jıynǵa qatysýshylarǵa senim bildirgeni úshin alǵys aıtty.
«Bizdiń Qaýymdastyq balalar sportyna erekshe nazar aýdarýy qajet.Buǵan qosa, ulttyq sport standarttaryn bekitip, jańa formattardy engizýdi josparlap otyrmyz. Máselen, ulttyq at sportyn jańǵyrtý óte mańyzdy» , – dedi Islambek Saljanov.
Qatysýshylar Qaýymdastyqtyń burynǵy basshylyǵy atqarǵan jumystardy jáne ulttyq sport túrlerin damytýǵa qosqan úlesin erekshe atap ótti.
Aıta keteıik, Qazaq ulttyq sport túrleri qaýymdastyǵy kókpar, aýdaryspaq, báıge, jamby atý, teńge ilý, toǵyzqumalaq jáne t.b. sport túrlerin biriktiredi. Buǵan deıin uıymdy Bekbolat Tileýhan basqarǵan bolatyn.
Foto: gov.kz
