Bekbolat Tileýhan asyl tuqymdy jylqylarynyń qunyn atady
NUR-SULTAN. QazAqparat – Ulttyq sport túrleri qaýymdastyǵynyń prezıdenti Bekbolat Tileýhan asyl tuqymdy jylqylarynyń qunyn atady, dep habarlaıdy QazAqparat tilshisi.
«Iá, attarym bar. Laýlat deıtin Qostanaı tuqymdy aıǵyrym bar. 900 myń teńgege satyp aldym. Salkúreń degen atym da Qostanaı jylqysynyń tuqymy, óte tózimdi bolǵandyqtan 550 myń teńgege satyp alǵanmyn. Al Tasýa degen atymdy Sheshenstandaǵy tanys baýyrlarym syıǵa tartqan edi. Keleshekte báıgege qosamyn, aǵylshyn jylqysy. Meniń estýimshe, quny 8 myń eýro shamasynda. Baqtory degen de atym boldy. Qunyn bilmeımin qansha ekenin. Ony da Nurbol Bolatuly (Nazarbaev) syılaǵan bolatyn»», - dedi Bekbolat Tileýhan Ortalyq kommýnıkatsııalar qyzmetindegi baspasóz máslıhatynda BAQ ókilderiniń saýalyna oraı.
