Bekbolat Rahat aýyr atletıkadan Azııa chempıonatynda altyn medal jeńip aldy
NUR-SULTAN. QazAqparat - Phenıanda ótip jatqan aýyr atletıkadan jasóspirimder arasyndaǵy Azııa chempıonatynda Qazaqstan qorjynyna alǵashqy altyn júlde tústi, dep habarlaıdy Olympic.kz.
96 kelige deıingi salmaqta synǵa túsken Bekbolat Rahat 17 jasqa deıingi sportshylar arasynda Azııa chempıony atandy. Ol qossaıys qorytyndysy boıynsha 352 kelini (156+196) baǵyndyrdy.
Sondaı-aq, 15 jastaǵy qyzylordalyq atlet serpe kóterýden jańa álem rekordyn ornatty. Odan bólek, Bekbolat 20 jasqa deıingi sportshylar arasynda kúmis júldeger atandy.
Bıylǵy maýsym Bekbolat úshin sátti ótýde. Ol Las-Vegasta ótken jasóspirimder arasyndaǵy álem chempıonatyn, sonymen qatar, qurlyq birinshiligin jeńispen aıaqtap otyr. Osy salmaqta baq synaǵan Artem Antropov qola júldeger atandy.
