Bekbol Orynbasarov Mańǵystaý oblysy ákiminiń orynbasary bolyp taǵaıyndaldy
ASTANA. KAZINFORM — QR Prezıdenti Ákimshiliginiń kelisimi boıynsha, oblys ákimi Nurdáýlet Qılybaıdyń ókimimen Bekbol Orynbasarov Mańǵystaý oblysy ákiminiń orynbasary bolyp taǵaıyndaldy. Mańǵystaý oblysy ákiminiń baspasóz qyzmeti málim etti.
Bekbol Tileýmuratuly Orynbasarov 1971 jylǵy 18 maýsymda Mańǵystaý oblysy Túpqaraǵan aýdanynda dúnıege kelgen.
Eńbek jolyn 1993 jyly Mańǵystaý oblystyq Keden basqarmasynyń «Baýtıno» keden beketinde ınspektor qyzmetinen bastaǵan.
Ár jyldary bank salasynda, Aqtaý qalasy ákimdiginde jáne Mańǵystaý oblysynyń memlekettik organdarynda qyzmet atqardy. Aqtaý qalasy ákiminiń kómekshisi, Aqtaý qalasy ákimi apparatynyń basshysy, Aqtaý qalalyq turǵyn úı sharýashylyǵy, jolaýshylar kóligi jáne avtomobıl joldary bóliminiń basshysy, Aqtaý qalasy ákiminiń orynbasary laýazymdarynda jumys istedi.
2006-2008 jyldary Qazaqstan Respýblıkasy Ekonomıka jáne bıýdjettik josparlaý mınıstrliginiń Іshki ákimshilik departamentinde basqarma basshysy qyzmetin atqardy.
2008-2010 jyldary «Kaspıı» áleýmettik-kásipkerlik korporatsııasy» ulttyq kompanııasy» AQ aktıvterdi basqarý departamentiniń dırektory, keıin basqarýshy dırektory – korporatıvtik hatshysy boldy.
2010-2019 jyldary «Otyrar Enerdjı» JShS jáne «Adaı» JShS bas dırektory qyzmetterin atqardy.
2020-2021 jyldary «Aqtaý teńiz porty» arnaıy ekonomıkalyq aımaǵy» AQ basqarma tóraǵasy boldy.
2021-2023 jyldary Mańǵystaý oblysy ákiminiń orynbasary, keıin birinshi orynbasary qyzmetterin atqardy.
2023-2026 jyldary Qazaqstan Respýblıkasy Parlamenti Senatynyń jetinshi jáne segizinshi shaqyrylymdarynyń depýtaty, Qarjy jáne bıýdjet jónindegi turaqty komıtettiń múshesi boldy.
Buǵan deıin Mańǵystaý oblysy ákiminiń birinshi orynbasary taǵaıyndalǵanyn jazdyq.
