Bekaıdar Qazkeev «Batys» óńirlik qolbasshylyǵyn basqarady

Іshki ister mınıstriniń jarlyǵymen Ulttyq ulannyń «Batys» óńirlik qolbasshylyǵynyń qolbasshysy laýazymyna polkovnık Bekaıdar Qazkeev taǵaıyndaldy, dep habarlaıdy Kazinform.

«Batys» óńirlik qolbasshylyǵynyń baspasóz qyzmetinen málim etkendeı, jańadan taǵaıyndalǵan qolbasshyny jeke quramǵa onlaın rejımde Іshki ister mınıstriniń orynbasary – Ulttyq ulannyń bas qolbasshysy, general-leıtenant Erkin Botaqanov tanystyrǵan.

Bekaıdar Qazkeev atalmysh laýazymǵa taǵaıyndalǵanǵa deıin «Ońtústik» óńirlik qolbasshylyǵy qolbasshysynyń birinshi orynbasary-shtab bastyǵy qyzmetin atqardy.

Erkin Botaqanov polkovnık Bekaıdar Maratulynyń qyzmetine sáttilik pen tabys tiledi.

Osyǵan deıin «Batys» óńirlik qolbasshylyǵynyń qolbasshysy qyzmetin atqarǵan general-maıor Arman Maqsotuly Jumaǵalıev Ulttyq ulannyń «Shyǵys» óńirlik qolbasshysy laýazymyna taǵaıyndaldy.