Bekarys Sádýaqas Eýropa kýboginde qola medal jeńip aldy
NUR-SULTAN. QazAqparat - Grekııa astanasy Afınyda dzıýdodan jastar arasyndaǵy Eýropa kýbogi aıaqtaldy. Sońǵy jarys kúninde tatamıge shyqqan eki qazaq balýany da júldege ilikti, dep habarlaıdy Olympic.kz.
90 kelide synǵa túsken Qýandyq Stampolov fınalǵa deıin súrinbeı, sheshýshi jekpe-jekte reseılik qarsylasyna jol berdi. Osylaısha, Eýropa kýboginiń kúmisin ıelendi.
Al 100 kelige deıingi salmaqta jasóspirimder Olımpıadasynyń chempıony atanǵan Bekarys Sádýaqas Afıny tórinde qola medalǵa qol jetkizdi.
Azamat Muqanov jattyqtyratyn Qazaqstan jastar quramasy Grekııadan jalpy esebi jeti medal jeńip aldy. Keshe bes dzıýdoshymyz júldeger atanǵan bolatyn.
