BEK jobalaryna jer telimin berý jaǵynan jeńildik jasalady - mınıstr Bozymbaev
"Ótken jyly biz zańnamany ózgerttik. Endi, balamaly energııa kózderin óndiretin jobalardy konkýrs arqyly irikteımiz. Sonyń negizinde qoldaý jasaıtyn bolamyz. Biz jobalardy irikteýdiń aýktsıondyq júıesin ázirledik. Bıyldan bastap 1 GVt bolatyn birneshe aýktsıondy ótkizýdi josparlap otyrmyz. Aýktsıonnyń jeńimpazdary 15 jyldyq kelisimshartqa otyrady da, balamaly energııa kózderin arnaıy kompanııaǵa sata alady. Sosyn ulttyq valıýtanyń baǵamy men ınflıatsııanyń ózgerýine qaraı tarıfterge jyl saıyn ındeksatsııa jasalatyn bolady", - dedi Q.Bozymbaev balamaly energııa kózderiniń aýktsıondaryna arnalǵan jıynda.
Mınıstrdiń aıtýynsha, zań boıynsha elektr jelilerde balamaly energııa kózderine negizgi basymdyq beriledi. Sondaı-aq, osy saladaǵy jobalarǵa jer telimin berý jaǵynan jeńildik jasalady.
"Aýktsıondar arnaıy elektrondy portalda uıymdastyrylady. Úsh saǵattyń ishinde kez kelgen kompanııa óz tarıfterin usyna alady. Eń az tarıf bergender jeńimpaz atanyp, kelisimshartty rásimdeı alady", - dep atap kórsetti Q.Bozymbaev.
Aıta keteıik, búginde respýblıka boıynsha balamaly energııa kózderin óndiretin 58 nysan bar. Olardyń jalpy qýattylyǵy 343 MVt-ty quraıdy. 2020 jylǵa deıin Qazaqstandaǵy balamaly energııa kózderiniń kólemin 3 protsentke deıin jetkizý josparlanyp otyr. Al 2050 jylǵa deıin atalǵan kórsetkishti 50 protsentke arttyrý qajet.
