Bek Nurmaǵanbet nokaýtpen jeńisinen keıin WBA reıtınginde kóterildi
ASTANA. QazAqparat – Ekinshi orta salmaqtaǵy qazaqstandyq kásipqoı boksshylar Bek Nurmaǵanbet pen Aıdos Erbosynulynyń Dúnıejúzilik boks qaýymdastyǵynyń (WBA) reıtıngisindegi orny belgili boldy, dep habarlaıdy QazAqparat.
Bek Nurmaǵanbet (8-0, 6 KO) 22 qazan kúni Mehıkoda ótken boks keshine qatysyp, onda jergilikti boksshy Lýsıano Araýhony (6-6-3, 3 KO) nokaýtqa túsirgen bolatyn. Kazproboxing Instagram-paraqshasynda málim etilgendeı, osy jeńisinen keıin qazaqstandyq sportshy ekinshi orta salmaqtaǵy WBA reıtınginde 11-den 10-orynǵa kóterildi.
Osy dıvızıondaǵy Aıdos Erbosynuly (16-0, 11KO) birinshi orynda qaldy. Ekinshi pozıtsııada – amerıkalyq Kaleb Plant, úshinshi orynda Kanada ókili — Erık Bazınıan.
WBA-diń álemniń «sýperchempıony» beldigine meksıkalyq Saýl «Kanelo» Alvares ıe. «Qarapaıym» chempıon – kýbalyq kishi-Davıd Morrel (7-0, 6 KO). Aıta keteıik, A.Erbosynuly bıylǵy 5 qarashada Davıd Morrelge qarsy jekpe-jekke shyǵady. Aıqas AQSh-tyń Mınneapolıs qalasynda ótedi.
