BEK aıasynda mashınalardyń qaýipsizdigi jónindegi jańa reglament avtokólik ıeleriniń qatty tańdanysyn týǵyzdy
ASTANA. 25 qańtar. QazAqparat - Kólik quraldary qaýipsizdigi týraly jańa tehnıkalyq reglamenttiń jobasy ázirlendi. Qujatta kóptegen shekteýler bar.
Sonyń biri, oń jaq rýldi mashınalardyń barlyǵyna tyıym salý bolyp tabylady, dep habarlaıdy RBK "Rossııskaıa gazetaǵa" silteme jasap.
Qujat quramyna Reseı, Qazaqstan jáne Belarýs kiretin Biryńǵaı ekonomıkalyq keńistik úshin ázirlengen. Ol osy keńistikte avtomobılderdi shyǵarý men tasýdyń biryńǵaı standarttaryn qurýy qajet. Reseı úshin osy qujat buryn qoldanylyp kelgen kólik quraldarynyń qaýipsizdigi týraly reglamenttiń ornyn basýy múddesin kózdeıdi.
Jańa reglament kóptegen avtomobıl júrgizýshilerdiń tańdanysyn týǵyzyp, tipti GIBDD qyzmetkerlerine de túsiniksiz bolyp otyr. Qujatta ótken jyldardyń ózgertýleri de eskerilmeı, sonymen qatar ózge de óreskel talaptar engizilipti.
